Carmen Martha Rodriguez tabata tin e honor di corta e cinta di verloskamer. E tin un trayectoria largo na Hospital cu finalmente tabata un honor pa corta e cinta. Rodriguez ta masha contento di a wordo honra cu e parti aki. E tabata un trayectoria basta largo. E team completo a traha hopi pa percura pa semper evoluciona miho y ta contento cu e colega cu a sigui’e a logra rond’e af. E nacemento di un yiu ta importante, pasobra e tin di haber cu e futuro desaroyo di e mucha. Tanto cu a purba y haya hasta acuerdo pa haci’e mas moderno. Pero awo porfin el a wordo realisa y cu nan a invit’e pa por festeha parti di esaki tambe.
Rodriguez ta hopi contento y gradicido na tur y mas cu tur, e ta orguyoso cu henter e team, cu a traha cun’e y cu a sigui traha cu su colega, nan tur e haci un inzet tremendo y lo sigui haci un input pa e bira un logro excelente. Specialmente pa nan mes, pero tambe pa e pashentnan cu ta esnan cu ta ricibi e servicionan.
Recorido
Carmen Rodriguez a haci un recorido y el a haya un satisfaccion tremendo di mira cu por fin casi tur cos a wordo logra, na un sistema mas moderno di loke a haya acorda. Awendia, desaroyo ta bay asina lihe. Hasta e birthing bath cu a kere cu lo no bira un realidad ainda, el a bira y cu tur cos ta nobo. Esey ta algo fantastico, el a menciona. Awo tur hende mester custuma cu e distancia, pero tur cos ta asina practico. E centrale stuk caminda cu e zusternan tin supervision riba tur camber. Sa kico ta sosode, kico ta tende. E ta fantastico. E no ta mira nada otro cu ta adelanto, full speed y pa sigui logra e beneficio pa nos hendenan.
Su añanan
Rodriguez ta cu pensioen actualmente, pero el a traha como cabesante di e departamento ta for di 1978 te na fin di 2003. Ultimo biaha cu el a bishita ta 2 aña pasa cu su yiu di mas hoben cu a haya yiu. No tin nada mas cu elogio pa e team y awor aki cu e luga nobo, ohala e por haya un otro yiu despues.
E ta hay’e hopi leuk. E tabata tin coleganan fantastico. No tin nada otro di bisa. No ta rest’e mas di bisa, cu exito, sigui padilanti cu e mesun gana, cu e mesun input, pone tur cos pa sigui bay bon.
Tambe tin cu agrega pa Rodriguez ta un honor cu el a maak mee e parti di San Pedro di Verona. Na 1976 a bin eynan y na 2017, e parti nobo di e hospital y e ta sinti su mes como un piesa antiek. Rodriguez ta felicitae team y pa sigui p’adilanti.
