Carina Boekhoudt ta docente di natuur & techniek na Colegio San Antonio y a bin pa e beroep en orientatie dag, cual nan tabata organisa esaki tur aña. Nan ta acerca diferente compania local pa haya sa mas di e compania, haya sa mas di e vaknan cu e compania mester pa e hendenan tin ora cu nan ta bin traha. Pa e muchanan haya un bista di kico tur ta pasa den e planta y tambe pa mas interes, conoce Aruba mas miho tambe.
E recorido
E tripnan aki ta hopi leuk. Ta algo diferente cu haya les. Segun Boekhoudt, e muchanan ta wak e cosnan na luga di splica nan. Awor aki nan a mira e praktijk. Ta algo cu nan ta uza bek den les y e ta interesante, haciendo e les hopi mas leuk.
Bishita
Nan tin algun aña caba ta bishita diferente planta, si no ta WEB, Elmar. Full Colegio San Antonio a bay diferente caminda. Ta algo cu nan lo keda haci tur aña. Ta purba di acerca e companianan y wak ki temporada ta mas miho pa bin di bishita un rato.
Ecotech/Ecogas
Segun Boekhoudt, e ta haya bon e parti cu ta kima e sushi, por ehempel si nan ta uze bek pa WEB, nan ta genera coriente asina, e ta hopi bon. Ta minimalisa e sero di sushi. E ora ta tene Aruba limpi y e sushi ta wordo uza. No solamente benta riba un sero y kima, cu ta daña medio ambiente.
Kico lo bay pasa
E les ta bin despues. Segun Boekhoudt, esaki ta parti den dos pida. Nan a haya recorido di WEB caba ultimo biaha, di cual nan a haya un proefwerk di dje. No ta tur hende a bay bon si, el a remarca. Den tweede klas ta specifica mas e parti di coriente y ta haya tambe e di dos pida di WEB, esta e parti con nan ta crea e parti coriente y Ecogas tambe ta parti di esey. Nan ta hay’e bek toch den les, no di biaha, pero nan lo hay’e si.
Reciclahe
Reciclahe ta minimalisa e sushedad pa Aruba mes. Por ta un tiki fastioso cu tin cu hiba e sushedad den exterior pa recicla. Pero e ta e miho manera. Ta minimalisa e sushedad y e consecuencianan.
