Un rato pasa pa 6:55 pm, e departameto special di polis cu ta atende permiso pa establecimentonan comercial a anuncia cu nan a caba di cera Bluemoon Lounge Aruba, pa falta di permiso. Cu e decision di e defensornan di ley, e negoshi no por habri mas awe nochi y no por tin evento di “Halloween” manera tur otro a organisa, net riba un fin di siman di fin di luna. Ki permiso e negoshi no tin, no ta conoci pa nos.
Anto precisamente pa 6:00 pm nan a habri awe cu un evento cu nan mes a yama “Nasty Blue – Halloween Edition” cu special di Afl. 175 riba boter di whisky entre 6:00 pm pa 9:00 pm. Apenas e luga a habri cu ya polisnan a yega pa controla si nan tin permiso. Den nan propaganda a avisa cu lo tin MC Oye y Oro for di Corsou, specialmente pa e evento aki. Tambe nan a contrata DJ T-Kash y Mc Oz.
