Diasabra, den oranan di mainta, habitantenan di un adres den Nieuwindstraat a yama polis pasobra tabatin un persona den Bell’s Gym.
Segun e habitantenan, nan a bin topa cu antisocialnan, a wanta nan y yama polis. Aparentemente e personanan aki cu a kibra y drenta den e luga, a haci esaki via di un bentana.
Riba e mesun dia, a tuma nota cu e luga di loteria tambe tabatin destruccion. Aki a nota cu a kibra porta y a reboltia den e luga. Parti patras di e gym tin e luga di scouting. Aki tambe nan a kibra e porta y drenta parti pabao. Nan a bay cu varios material y a purba di cende e cuarto na candela.
Transportwagen a presenta y a hiba e detenidonan warda, unda cu nan mester a presenta dilanti di fiscal auxiliar y para responsabel pa e daño cu nan a comete, cual ta bastante.
