Diasabra marduga, polis a nota e auto Nissan March, numera A-73414 tabata core cu luz paga. A cuminsa cu un persecucion. A dun’e señal pa para y despues a logra par’e na altura di Fantastic Garden na Bushiri. A detene e chauffeur, kende ta un conoci di polis. Na mas cu un ocasion a detene e homber aki. Tabata consider’e un figura peligroso den pasado. Awo, un biaha mas a detene pasobra el a core pa polis. El a purba su suerte pero a salie poco caro.
Den e auto nan a bin haya un boter di whisky cu polis a confisca. Tambe tin e hecho cu e chauffeur aki tabata core durante toque de queda.
Transportwagen presente a transporta e detenido pa warda di polis caminda cu el a presenta dilanti di fiscal auxiliar y despues encarcela.
Personanan ta keda purba nan suerte pa core durante toque de queda y haci e intento di huy pa polis. Pero e hazaña aki semper ta sali caro.
