Tabata diaranson dia 1 di januari 2020 alrededor di 5:20am cu a sosode un accidente serio den cual un patruya di Polis tabata envolvi. Chauffeur di e otro auto a resulta herida, pa cual a transport’e cu ambulance pa Hospital.
E accidente a sosode na altura di WEMA Ponton. E patruya di Playa tabata coriendo direccion Tanki Flip. Na dado momento trafico contrario a lora nan dilanti na man robes. E patruya a purba evita e desgracia pero no a logra. Consecuentemente e dos autonan a dak den otro, lagando un daño grandi atras.
Ambulance a presenta na e sitio y a trata e herido, un homber di edad den e otro auto. A opta pa transport’e pa Hospital pa cuido medico avansa. Ey a dicidi di intern’e pa mas observacion, aunke cu su situacion no ta grave.
