Diasabra awo lo bay tin e conocido Parada di Flambeu (Fakkeloptocht) y tur hende ta pendiente di esaki. Un total di 10 grupo lo participa den esaki, segun presidente di SMAC, Jason Brown.Fuera di esey lo bay tin 11 banda riba caya.
Fakkel ta programa pa cuminsa pa 8’or di anochi en punto, y e lo sali for di Entertainment Center na Dakota. Ta spera pa e ultimo grupo yega 1’or y mey, mas tarda 2’or di marduga.
Brown ta conseha pa tur hende gosa, pasa bon sanamente. Respeta tur stakeholder, manera polis, DOW, Serlimar, Rode Kruis.
Nan tey pa yuda carnaval y pa yuda tur hende. Ta haci un apelacion pa respeta y celebra e evento sanamente hunto.Por bisa cu mas of menos 8 mil participante, pero e cantidad exacto no por bisa ainda. Asina ta, bin tempran pa bo haya bo luga pa asina gosa di e prome actividad di carnaval cua ta e Parada di Flambeu.
