Diamars anochi pa mas of menos 7:30 pm presencia di polis tabata necesario na un cas situa den Rooi Congo, aki por a compronde cu lo tabatin un homber benta den cas tur na sanger y no tabata duna señal di bida. Na sitio por a compronde cu un dia prome, su amigonan a bishit’e y a combersa cu ne, awe un di nan a bin pa sa di dje y a topa cu ne sin bida den e cas.
Ambulance a presenta, sinembargo no por a haci nada mas p’e debi cu ya e no tabata duna señal di bida. Slachtofferhulp tambe a presenta na e cas pa atende cu famia y amigo den e momento dificil. Headlines Group ta desea forsa na e famia di e fayecido.
