Diasabra anochi laat a tuma luga un caso basta serio den Caya St. John na San Nicolas (Village) y cu no ta completamente conoci kico a conduci na esaki. Un señora ta esun cu a bira e victima.
Diasabra casi 11.30 di anochi patruyanan di San Nicolas a yega na e cas den e caya menciona. Na momento cu a yega na e sitio, a constata cu e victima ta un persona grandi. Hasta mester a pidi slachtofferhulp na e sitio ya cu e victima a keda den shock pa loke a pasa cu ne.
Ta parce, e informacion cu a logra haya for di dje, dos homber, un flaco y e otro un tiki yen, ta esnan cu a maltrat’e. Ambulance a bini mesora na e sitio pa atende cu e victima.
Por a mira presente tambe funcionarionan di BFTO. Nan a coy delaster fingerprint cu por a haya na e cas y a colecta diferente otro evidencia.
Na final a transporta e señora pa hospital pa mas tratamento medico.
