Despues di un tremendo edicion luna pasa, awenochi lo tin e di dos ‘Night Brunch’ na Patio 15 Restaurant. Ta trata di e mesun concepto di brunch, pues un menu combina di lunch y algun di desayuno pero anochi.
Tambe e ta un brunch cu hopi ambiente. Musica lo ta den man di Dj Sky y lo tin diferente sorpresa. E formato ta cu e menu lo ta ta a-la-carte pero All You Can eat. Pues pa 2.5 ora bo por come cuanto cu bo por.
Tambe por agrega opcionalmente e bottomless mimosa of e bottomless prosecco. E brunch ta cuminsa pa 7 or di anochi y ta dura 2,5 ora. Despues e ambiente ta sigi cu DJ. Pa reserva por whatsapp 5925069. Patio 15 Restaurant ta situa na West Straat 15, banda di Arubus.
