All To Car ta invita publico di Aruba pa bishita su showroom na L.G. Smith Boulevard 114, caminda e ta tene un edicion nobo di su exitoso “Ultra Event”, di 9:00 di mainta te 5:00 di atardi. Durante e evento, interesadonan por conoce e diferente modelonan di auto, explora opcionnan di financiamento y haya conseho pa sali cu un vehiculo nobo.
Den un entrevista cu 24ora.com, Gilbert Webb, Sales Manager di All To Car, a comparti mas detaye tocante e ofertanan y facilidadnan cu e empresa ta ofrece durante e evento.
E prijs di e vehiculonan ta cuminsa na Afl. 29.990, cu opcionnan di financiamento y tarifanan di interes atractivo. Segun Webb, cliente por scoge un termino di pago di te maximalmente cinco aña, dependiendo di e condicionnan di financiamento.
Facebook Live
Pre-aprobacion di financiamento
Un di e facilidadnan cu All To Car ta ofrece ta e posibilidad pa solicita un pre-approval durante e mesun bishita. Pa esaki, cliente mester trece un rijbewijs valido y nan ultimo dos payslip si nan ta cobra pa luna, of e ultimo cuatro payslips si nan ta cobra cada dos siman.
E meta ta pa simplifica e proceso y duna cliente mas claridad riba nan posibilidadnan di financiamento.
Diferente modelo disponibel
All To Car tin un variedad amplio di vehiculo den stock, incluyendo sedan, SUV y modelo hibrido y electrico, entre nan diferente modelo di e marca Dongfeng. Segun e empresa, tin vehiculo disponibel pa entrega directo, dependiendo di e modelo scogi.
Un di e modelonan destaca ta e Dongfeng Forthing Yacht M4, cu pago mensual ta cuminsa na Afl. 1.261, dependiendo di e condicionnan di financiamento.
Webb a destaca particularmente e modelonan HEV (Hybrid Electric Vehicle) y PHEV (Plug-in Hybrid Electric Vehicle), cu por representa un opcion interesante pa taxista, companianan di car rental y hende cu kier reduci nan gastonan di gasolin.
E version PHEV por ofrece un alcance combina di mas di 1.600 kilometro, segun e specificacionnan menciona durante e entrevista. E bateria por carga na cas den aproximadamente seis ora, dependiendo di e sistema di carga y e condicionnan di uzo.
Confortabilidad y equipment
Ademas di eficiencia, e vehiculonan ta ofrece diferente elemento di confort y luho, incluyendo asiento cu funcion di masashi, control individual di temperatura y un interior diseña pa brinda un experiencia comodo pa conductor y pasahero.
Regalo adicional pa cumprado
Durante e evento, hende cu cumpra un vehiculo por beneficia di dos servicio di mantenemento gratis y tinting gratis. Ademas, cumprado ta haya oportunidad pa participa den un sorteo pa gana un biahe pa Hulanda, cu entrada pa parkenan di atraccion inclui.
Na final di e entrevista, Gilbert Webb a invita comunidad di Aruba pa pasa na e showroom di All To Car, conoce e vehiculonan disponibel y haci un test drive. E personal di benta ta cla pa duna informacion, contesta pregunta y prepara calculacionnan di financiamento, pa yuda interesadonan evalua e opcionnan disponibel y determina cua vehiculo ta adapta miho na nan necesidad y presupuesto.
