Un hoben a resulta herida durante accidente na Jaburibari.
Diahuebs despues di 4:00PM ta sosode un accidente na e rotonde di Jaburibari cu herido. Na e sitio por a compronde cu un dama a bai yuda un persona touw su quadracer.
Biniendo for di noord yegando e rotonde di Jaburibari, e chauffeur di e auto a brake pa baha su velocidad. E persone riba e quadracer no a logra brake y a pasa e auto voorbij. Den esey e cabuya cu tabata usa pa lastra e quadracer a pega bou di e taira di e auto. E velocidad y e peso di quadracer a pone cu e auto a perde control y bira full di banda.
E persona mes a bula for di quadracer y cu consecuencia cu esaki a cay riba dje. E manehado di e quadracer tabata keha di dolor na su pia drechi y tabata tin un corta na su bil. Den tur su dolor, e no por a warda mas y a bay hospital riba su mes cu un auto particular.
Polis a presenta na sitio pa tuma tur datos, mientras cu a tira santo riba e azeta cu a keda plama riba caminda.
