Alba Camacho y e ta traha na TNO Caribbean na Aruba y tin un aña caba pa varios proyecto normalmente. E ta un ingeniero ambiental y ta haci proyectonan cu tin di haber cu bioingenieria, biokimica.
Hopi cos a pasa den silencio y por a mira cu recientemente por fin por a mira e proyecto aki. E experto a splica cu e proyecto aki tin hopi potencial y por a mira e prome paso riba e proyecto aki. Tur esaki a cuminsa ora cu e Refineria di Aruba kier a busca un tecnologia pa captura e carbon, pa uza CO2, pa comberti den un otro producto. E industria di awendia tin cu modernisa. Den tur loke ta yama circular economy. Loke ta residuo, ta uza pa crea un producto nobo, di modo cu e CO2 cu ta wordo emiti pa e refineria, ta wordo captura y ta pone den algun plas largo unda cu ta introduci awa y ta uzanan pa microalga. E CO2 ta wordo poni den e plasnan aki y e microalga mientras cu nan ta bay creciendo, ta absorbe CO2. Nan tin mester di CO2 pa nan por crece. Esey tabata e prome obhetivo. Tin hopi mas obhetivo, segun Alba.
Dicon
E mata aki, e microalganan cu ta bay wordo cultiva, tin hopi beneficio. Tin beneficio cu ya ta wordo tuma den tiendanan na Aruba y ta wordo bendi den capsula, den tableta, den puiro y esey por bashe den bebida.
Esaki en realidad no tin gran sabor, pero si e tin hopi beneficio. Micro alga tin como 60% di proteina. Esey kiermen cu bebe microalga ta coresponde na 4 biaha e proteina cu carni ta aporta. E tin mas hero, 52 biaha mas hero cu loke spinazie ta aporta. Bebiendo un cuchara of algun pildo di spirolina, nos ta bay nota con e beneficionan ey lo ta drenta nos curpa. Por ehempel e ta bon pa hendenan cu tin artritis den man. E ta bon pa cansancio, ora cu hende tin anemia, e ta duna un hende energia. Tambe e ta bon pa e sistema digestivo. E ta yuda nos. Tambe e ta yuda na reduci hamber. Es decir cu e ta sirbi pa baha peso. Na final nos curpa ta mas sano, nos curpa lo beneficia di tur e propiedadnan aki. E idea, apart di captura e CO2, ta pa crea un mercado nobo. Cu spirulina cu lo bay cultiva, lo bay cultiva e materia prima pa despues produci e productonan y introduci nan riba mercado.
Ya riba mercado, hopi producto, por ehempel di cosmetica ta uza spirulina. Marcanan cu ta hopi popular manera Estee Lauder, Bioderm, cu ta haciendo uzo di spirulina.
Proyecto lo sigui crece na Aruba
Awor aki esaki ta un planta piloto pa mira kico ta e condicionnan cu e microalga lo bay crece aden. E condicionnan di Aruba ta perfecto. E microalganan aki ya tin varios parti di mundo. Na Francia por ehempel tin mas di 100 planta. Tin na Merca, China y Hapon. E tres ultimo paisnan aki ta importando alga tambe. Pasobra e mercado ta creciendo y ta uza alga pa aditivonan di cuminda, pa crema, pa colorante di hopi producto, cu ta tumando un colorante natural, na luga di un colorante sintetico, pasobra e ta mas sano. E fase di e proyecto ta pa cuminsa cultiva e alga pa spirulina. Nan ta hopi bon pasobra nan tin mester di calor, nan mester di temperaturanan halto y na Aruba, no solamente tin temperatura halto, tin calor, tin bon radiacion solar, sino cu ademas, por cultiva durante 12 luna pa aña y e temperatura apenas ta varia. Esey ta haci cu e crecemento ta constante y ta haci cu e calidad ta miho.
Por ehempel na Hulanda, ta funciona nan planta, cu pa 5 luna pa aña por wordo cultiva, akinan e ta wordo cultiva pa 12 luna. E condicionnan ta hopi optimo.
Na e planta e CO2 ta bin den un forma hopi accesibel. E lo reduci hopi e costo di produccion.
Ki tempo e lo caba
E proyecto aki tin diferente fase. Awor aki ta den e fase piloto. E siguiente fase lo bay ta mas enfoca riba comercialisacion y crece. E ora e idea ta pa haci mas plas, te cu mas of menos 2 hectaria, pa asina cultiva mayor cantidad, ora cu tur cos ta bon preciso, bon calcula, e ta bon efectivo.
Cuanto e lo dura
Esaki lo bay dura te cu 2021. E idea ta pa e ta un proyecto cu lo bay agrandando, cu e lo bay haya importancia y reputacion mundial, pasobra tambe for di e punto di bista di investigacion, lo bay tin hende rond mundo cu lo kier bin pa conoce, pa sa di e conocemento di Aruba. Esaki ta un proyecto cu bo no por pone un banda. E ta algo cu bo no por pone un fin. E ta algo cu lo bay sigui crece y sigui produci. A medida cu lo bay crea mas plas, mas hende cu kier tuma e oportunidad aki, ta bon bini pa haci esaki.
