E proyecto di microalga ta un proyecto bunita. Tabata tin cosnan cu tabata pasando cu ningun hende tabata sa. Al final ta cosnan nobo cu a wordo construi den un silencio total y Citgo ta hunga un rol y ta parti di e exigencianan cu Gobierno a mira e posibilidad di un rehabilitacion di e refineria.
Segun Ray Buckley, kende ta e vicepresidente y general manager di Citgo Aruba Refinery, e ta splica cu durante di e negociacion y discusionnan pa rehabilita e facilidad di Aruba, e dos partnernan cu awendia ta Refineria di Aruba y Gobierno y Citgo, a dicidi di bin hunto y traha hunto pa desaroya un proyecto di crecemento di microalga, cu por aresta e emicionnan di e refineria.
Algo importante
Hopi hende ta mik awor aki riba e mantencion di medio ambiente den e forma mas limpi posibel. Buckley a bisa cu esaki ta completamente nobo. Di parti di Citgo semper ta enfoca riba operacionnan cu ta safe y responsabel pa medio ambiente. Pesey mes tambe no solamente ta wak e parti di e rehabilitacion di e facilidad, pero tambe ta trahando den e crecemento di gasnan natural pa e facilidad. E ultimo etapa aki ta loke a haci, ta duna inicio cual ta un groundbreaking cu si ta exitoso, y ta bay traha pa haci esey tambe, cu por hiba bo na un paso mas leu den reduci e impacto cu e facilidad na Aruba tin pa medio ambiente.
Con tur cos ta canando
Buckley a splica cu tin riba 500 persona ta trahando. Nan a keda enfoca riba inspeccion di e facilidad. E inspecionnan aki lo hiba na desaroya un scope of work, manera cu e ta wordo haya y un class to estimate, pa rehabilita henter e facilidad. Conhuntamente cu esey tin e parti di gas, e parti di ingenieria a caba. Tin un grupo dedica riba basic enginering. A selecta caba un luga como landing point, cual ta mas zuid di e facilidad. Tambe tin caba un di e fasenan cu ta bay ta un survey di e lama entre Venezuela y Aruba, pa conoce e fondo mas miho, conoce e condicionnan di lama mas miho y tambe tuma muestra. Esey lo sirbi como base di con ta bay trece e liña di gas for di Venezuela pa Aruba na e facilidad di e refineria. Despues di eynan tambe lo wordo uza como produccion di energia y tambe pa e hydrogen plant.
Satisfecho
Esaki ta trabaonan grandi, pero ta dedica y ta trahando. Citgo Aruba, cu su contratistanan, tin un grupo specialisa cu ta trahando riba e parti di gas, cu e Refineria di Aruba, cu Gobierno. Tur tin e mesun meta. Esencialmente traha safe y sigur tur dia. Traha dedica di manera cu por logra trece e refineria bek, hunto cu gas y tambe den futuro. Loke a inicia ta un carboncapture project.
Ki ora lo bay tin mas hende
Buckley a splica cu tin un proceso ta haciendo. Ta bezig ta entrevistando mas y mas operator y ta buscando ingeniero. Manera cu e proyecto ta avansa, ta busca e persona cu tin mester. Preferiblemente local pa por yuda incorpora den e team y yuda avansa e proyecto den su totalidad.
Buckley a splica cu e ta hopi satisfecho. Tin hopi caminda pa core, pero tur dia ta traha riba nan meta.
