Siguridad bek pa nos pueblo ta un “must”, esey ta palabranan di Parlamentario Alan Howell, cu semper a mustra cu esey ta su enfoke principal.
Como Parlamentario di Fraccion di POR, Howell ta tene un wowo skerpi riba e mehoracion di siguridad y trankilidad pa nos pueblo.
E parlamentario di e Fraccion blauw ta expresa cu pronto Minister di Husticia lo haci apertura di mas warda di polis di bario y lo concentra specialmente den e barionan cu conoce un indice frecuente di criminalidad.
Minister Andin Bikker a habri algun siman e warda den bario di Mabon y pronto lo habri esun di Sabana Basora, sin lubida esun den Dakota tambe.
Alan Howell ta indica cu por mira y sinti cerca e habitantenan cu nan ta contento cu e reapertura di e warda di polis den nan bario. E ta encurasha Minister Bikker pa sigui cu e bon trabou y asina planta respet bek riba Aruba, nos dushi isla. “The small man for the people and the people for the small man”.
