Pa loke ta e gasnan, Theo de Kool, director financiero di hospital, a splica cu a palabra cu na final di aña pasa y comienso di e aña aki, cu investigacionnan lo wordo haci.
Na e momento eynan tambe a pensa riba varios solucion y na e momentonan aki ta trahando riba dje. A laga haci un investigacion door di hendenan di Baptist di Miami, kendenan no a bin ainda cu un rapport definitivo. Pero e investigacion si a tuma luga. Ainda lo tin cu haci un vervolgonderzoek, te ora cu tin un solucion door di e contratista, pa sea remove e aparatonan, of eliminanan, of cambianan, etc. Tipo di solucionnan asina mester wordo haci. No sa precisamente ki ora esaki lo caba.
Ken lo paga pa esaki
Pa loke ta e adaptacion di e instalacionnan, segun de Kool e costonan ta pa SOGA. Tabata tin algun cos cu no a wordo bon ehecuta y por ta cu parti di e costo pa SOGA. Pero si e contratista no haci cierto cosnan bon, e ora ta e contratista tin cu cubri esaki y no SOGA. En todo caso e ehecucion di e construccion no ta cay bao di e responsabilidad di e hospital. Den otro palabra, hospital no mester paga nada.
Con e situacion ta
De Kool a splica cu no a tende nada mas di ningun problema. A palabra cu e departamentonan cu ta den un riesgo mas grandi, con por meld esaki, mas pronto posibel, purba di haci midicionnan. Pero den e ultimo simannan no a tende nada mas di ningun problema.
