Diasabra atardi Polisnan di Strand Politie a bay cu urgencia den direccion di Fisherman Huts na Malmok. A drenta informacion cu tin un persona cu problema den awa y a bebe basta awa.
Den algun minuut dos unidad di polis tabata na e sitio. E polisnan a bay mesora na e beach canto di awa. Na yegada a topa cu un famia cu nan yiu. Nan a splica Polis cu nan yiu muher menor di edad ta sinti malo.
El a manera perde conocimento. E no a bebe awa di lama of hera hoga manera tabata e prome informe cu Polis a haya. Paramediconan di Ambulance tambe a yega mesora na e beach di Malmok. Eynan a atende cu e hoben. E mes a subi e cama. E turistanan a yega Aruba un rato prome for di Merca.
Nan a chek in y bay mesora na beach pa disfruta un tiki den e solo. Eynan e menor a bira malo diripente. Paramediconan a controle den ambulance y despues a bay cune Hospital pa asina dokternan tambe mire.
A controla su presion etc. E tata a bay cu Polis pa coy e auto. E mama a bay den ambulance. E mucha muher no tabata mustra asina malo Danki Dios.
