AIB Bank N.V. ta contento di anuncia cu diasabra dia 25 di Mei a logra conclui un transaccion exitoso pa cu (re)financiamento di e prestigioso propiedad, Hilton Aruba Caribbean Resort & Casino, cu e grupo di accionista encabesa pa Aruba Growth Fund,
representa pa Rene Kan, Justus Martens y Milton Berlinski. E transaccion, di cual tres
institucion financiero a forma parti aden, ta pa un suma di Afl. 182.5 miyon florin (su
equivalente na US dollar), lidera pa AIB BANK N.V. den su rol como Mandated Lead
Arranger, financiado y Agente.
AIB BANK N.V. sigur ta gradici pa e confiansa y ta orguyoso di por agrega Hilton Aruba
Caribbean Resort & Casino na su portafolio mirando su contribucion excelente na nos
industria hotelero y turismo en general. Pa e banconan local, esaki ta un transaccion historico y importante di cual nos ta sumamente orguyoso di por forma parti di esaki.
Sigur cu AIB BANK N.V. ta gradici e institutonan financiero: Stichting Algemeen Pensioenfonds (APFA) y Aruba Bank, cu a forma parti di e consorcio aki pa cu e logro aki y ta felicita nan tambe pa cu e conclusion exitoso di e refinanciamento aki.
Tambe, AIB BANK N.V. ta gradici tur esunnan cu a asisti den e proceso aki, incluyendo Brown Lawyers como consehero legal di e grupo, Notaris Johnson y Van Eps Kunneman Van Doorne Lawyers como deal counsel cu a apoya e tarea inmenso aki di e internal legal counsel y e team interno di Corporate Finance di AIB BANK N.V. Sin duda tur partido envolvi ta orguyoso di por contribui na e futuro di e hotel iconico aki, cu ta celebrando su di 60 aniversario.
