Gobernador di Aruba, Su Excelencia Alfonso Boekhoudt, a haci un bishita di trabou na Aruba Food & Beverage Association (AF&BA), antes Aruba Gastronomic Association (AGA), dia 10 di december ultimo. E asociacionnan a trece dilanti diferente punto importante pa nan.
Jan van Nes y Daniele Ferrara a ricibi Gobernador Boekhoudt. Meta di e bishita tabata pa informa Gobernador tocante con sector di F&B na Aruba tabata para prome cu e pandemia y con el a desaroya te cu awor.
A papia tocante e fortalesa, debilidad, menasa- y oportunidadnan pa e sector, como tambe tocante e desaroyo y retonan cu e aña aki e sector mester a trata cu ne. Varios representante di sector di Horeca local tambe tabata presente durante di e bishita di trabou.
