Presidente di “Genootschap Nederland Aruba”, esta Nico van Grieken, a haci un bishita di cortesia na Representante di Aruba na Union Europeo y alabes Minister Plenipotenciario suplente, mr. Juan Ady Thijsen. Tambe presente na e reunion aki ta hurista y EU assistent di Arubahuis, mr. Shandra John.
Meta di e bishita tabata pa e Representante di Aruba na Union Europeo, mr. Juan Ady Thijsen, por cera conoci cu Van Grieken y asina ricibi mas informacion riba e trabao di Genootschap Nederland Aruba. Durante e combersacion a intercambia diferente punto di bista tanto riba e tereno Europeo como desaroyonan den Reino y alabes mira unda por coopera cu otro.
