Diaranson atardi alrededor di 4:30 pm a sosode un accidente riba Sasakiweg. Un Hyundai Sonota color preto a dal contra di un palo di luz y un borch’i cant’i caminda. E chauffeur di e Hyundai Sonata a conta 24ora.com cu; el a cab’i traha y tabata bayendo cas. Entre ex-House of Chengs y rotonde Super Food, un taxi a cera e chauffeur pon’e perde control y accidenta.
E taxi mes no a keda na sitio. E chauffeur a ricibi algun rasca na cuarto pa cual ambulance a presenta pa brind’e atencion medico. E auto riba su mes por consider’e “na werki.” For di e airbagnan pa front, taira y porta a ricibi basta daño material. Polis di trafico a documenta e accidente aki pa despues notifica takelwagen mirando cu e vehiculo no por a move.
