E problema cu e adictonan ambulante ta keda aumenta. Un cantidad di keho ta drenta for di ciudadanonan cu no por solamente cu e bista pero tampoco e molester cu e grupo aki ta ocasiona.
Entre ex-Cas di Gobernador cu crusada di L.G. Smith cu Adriaan Lacle Blvd, esnan cu tin oficina y tambe cas ta denuncia presencia di e adictonan ambulance den nan area.
E presencia di adicto ta birando un problema pasobra nan ta drenta propiedad of horta cos den bisindario.
A resulta cu tin hopi adicto cu ta drumi bou baranca canto di lama na e beach. Y naturalmente presencia di e adictonan ta bay man den man cu un cantidad di sushedad cu nan ta trece causando un dump. Caminda e pomp di RWZI of DOW, cu ta pa manda awa, tin adicto a traha nan cas. Eynan ta colga paña y hasta serbete di hotel den bisindario.
E presencia di e adictonan a causa un mahos bista memey di mangrove cu sushi. Hasta laptop a mira benta eybanda. Spera cu e departamentonan concerni haci algo urgente. E adictonan ta drenta tur zona y caminda cu nan ta e situacion ta bay for di man cu ladronicia y sushedad na cantidad.
