For di waf di Tucacas, den municipio Silva di estado Falcón, dialuna mainta a sali e prome boto cu 15 ton di fruta, berdura y otro materialnan di consumo direccion di Bonaire. Di e forma aki e frontera maritimo entre e tres islanan ABC ta completamente habri.
“Maria de la Paz” a realisa e prome biahe aki cu un cargamento di banana, milon, patia, papaya, siboyo y tomati.
Segun calculo haci door di autoridadnan comercial, te cu awo a exporta mas cu mil ton di fruta y berdura pa Aruba, Bonaire y Corsou.
Na salida di e barco tabata presente Capitan di Waf di Tucacas, Almirante Edgar Sánchez; e presidente di Instituto Autonomo di Wafnan Publico di Falcon, Eric Uzcátegui; autoridadnan di Seniat, militarnan, poder popular y agentenan maritimo.
