Polis a presenta pa un caso serio di agresion na Jan Flemming. Un hobencita a resulta herida na man di por lo menos dos persona adulto cu a bringa cu ne mientras e mayor tabata reclama e otro mayor presente.
Informacion cu a haya na sitio a indica, cu e hobencita aki, menor di edad, tin basta tempo caba den conflicto cu e grupo di hendenan aki, cu segun e, tin’e confundi cu un otro persona. A purba di aclaria e situacion aki caba un biaha pero el a bira victima caba e tempo ey di agresion na man di e mes un hendenan aki.
E hobencita a tuma nota di hende cu tabata ward’e na scol y a informa su mama cu a bin busk’e na scol. Caminda pa cas un vehiculo a bin ceranan den e bahada di Jan Flemming den cercania di Rudsen. E mama a sali di e vehiculo y bay reclama e chauffeur di su maniobra. E momento ey un hende muhe a probecha y a ranca e hobencita na cabey y sac’e e for di auto y cuminsa batie. Segun por a compronde e hendenan cu a brinda cu ne ta entre 18 cu 30 aña di edad, meintras e hobencita ta un mucha menor di edad.
Testigo den un auto a para y cuminsa grita e di dos persona, un homber, den e vehiculo cu tambe a bay direccion di e damita pa tambe bringa cu ne. A bisa tambe na e testigo pa e somenta for di sitio. Un rato despues e tres personanan aki a bandona sitio den nan vehiculo.
A compronde cu e hobencita a ricibi hopi golpi na cabes cu tabata tin’e basta confundi. E no tabata conciente di ken e ta ni kico a pas’e. Ambulance a presente na sitio pa observacion. Polis a tuma tur datos y segun informacion tin indicacion di ken e personanan aki ta. Ta spera cu pronto por atende cu e personanan aki pa nan bin duna cuenta di nan acto.
