Tabata algo prome cu 4or di marduga ora cu un Hyundai Getz a pasa dal den un Mitsubishi Lancer y sigui core pero no a yega mucho leu. E Getz tabata bayendo direccion Bubali y e Lancer direccion Noord. E Getz a perde control mirando cu caminda tabata muha y bay dal dilanti banda links di e Lancer y djey sigui core. Mirando e impacto e Getz no por a sigui core mucho mas leu, el a stop algun meter leu for di sitio unda e accidente a sosode. Daño matrial tabata basta. Ambos chauffeur tabata basta cansa. E chauffeur di e Hyundai Getz a declara cu el a caba di bin for di un truck di cuminda. E otro partido tabata direccion cas despues di a sali di Gusto nightclub. No ta conoci si nan tabata bou di influencia di alcohol of no. E chauffeur di e Mitsubishi no por a demonstra un rijbewijs y tampoco e auto no tin seguro. Danki dios no tabata tin ningun herido. Despues di dos ora mas o menos, specialista di trafico a presenta na sitio pa asina cuminsa haci e investiacionan necesario.
Accidente semi frontal na Boegoeroei
Accidente semi frontal na Boegoeroei
Click link pa mas: https://24ora.news/2IYOW2zPosted by 24ora on Saturday, June 22, 2019
