Falta di iluminacion a pone auto cay den buraco na Noord

Tabata algo despues di 4or di marduga ora cu un chauffeur masculino a hera e crusada y cay den un buraco na altura di Rio Grande. E chauffuer a declara cu pa falta di luz e no a mira e salida di e crusada y a cay den un buraco. E crusada aki ta den pleno construccion y ta haci cu e caminda ta bira mas smal cu normal. E chauffeur aki ta haci un peticion na esunnan concerni pa por fabor pone mas luz y reflector na e baricadanan riba caminda aki. Danki Dios no tabatin ningun herido, daño material ta considerabel.