Awe merdia net 1:00pm a sosode un accidente serio tras di California Lighthouse na Westpunt, ora un vehiculo UTV a bolter cu dos persona den dje. Ambos a resulta herida, pa cual a solicita presencia urgente di ambulance na e sitio, net patras di Tiera del Sol. Polis tambe a yega na e sitio pa investiga con e accidente aki a sosode.
Con e accidente a sosode no ta mucho bon conoci ainda, pero ta mustra cu tabatin un grupo di hende riba un tour di “off road” patras na e parti nort di nos isla. Den e proceso, probablemente un maniobra a bay robes y e vehiculo a accidente, sacando ambos e chauffeur y pasahero afo. A nota cu e UTV mes a sufri basta daño.
