Cu e lema “Sometimes Real superheroes live in the hearts of Small Children”, famia y amigonan di Shadieska di 8 aña ta sigui cu nan recaudacion di fondo. Cariñosamente yama Shady, ta sufri di un autoimmune desease cu Aruba no conoce. AZV no por mand’e afo. Apart di esey e tin un bloedstollingsziekte cu por sangra pa oranan largo sin stop y tin’e cu anemia. Fuera di esey e tin migraine cu ta haya dolor cabes masha fuerte mes te cu bay flauw.
Ya pa dos aña caba e no por bay scol. Y como famia kier cera un suma pa e por bay Hulanda pa tuma tratamento na Rotterdam. A pensa pa 20 mil florin pa e por bay dilanti, pero contrario na esaki, Rotterdam a laga sa cu esaki lo ta mas. E enfermedad cu Shady tin no tin cura, pues e tratamento aki ta di largo plaso.
Ya for di algun dia pasa algun alumno di La Salle College, TeamUp4Shady, a bin hunto cu un simpel meta. Yuda nan amiga Shady cu recaudacion di fondo, pa asina por mand’e Hulanda, pa asina e ricibi tratamento medico na Rotterdam.
Pa mas informacion por tuma contacto cu mama di Shady, Jedina Romero na cel: 7417417 y pa cualkier donacion por deposita riba cuenta di banco na CMB #620.047.08. Tambe por subi riba nan pagina riba Facebook TeamUp4Shady.
Ban como un bon Arubiano, yuda e hobencita aki hiba un bida mas comodo y contribui pa e por yega Hulanda pa e por sigui e tratamentonan adecuado. TeamUp4Shady ta para na diferente puntonan strategico na Aruba, entre otro na e rotondenan di Santa Cruz, Noord, na altura di La Salle College y tambe riba e brug dilanti di Renaissance ya for di 9’or di mainta te cu 5’or di awe tardi.
