Tabata alrededor di 1:15 am ora cu a sosode un accidente dilanti di Candela Snack na Ponton. E autonan envolvi ta un Nissan March color ros, un Kia Rio color blauw y un Jeep color preto. E March tabata direccion nort, a pone señal pa bira na su man robes pa bay cumpra un platter na Candela Snack.
E Rio tabata biniendo for di nort direccion Ponton, no a paga tino y alcansa e March. Consecuentemente a bay dal den un Jeep staciona dilanti Candela Snack, caminda e personanan den e Jeep tabata warda pa nan platter keda cla.
Durante cu polis tabata documenta e accidente, e chauffeur di e Rio a spanta e agentenan c’un baf fuerte di alcohol. A haci un test di alcohol cu ne, e resultado no tabata na su fabor. A deten’e y djey transport’e pa ward’i polis.