Diamars marduga alrededor di 2:00 am, polis a presenta cu urgencia dilanti di Club Arias na Savaneta p’un accidente. Na yegada di polis, a topa cu un Toyota Vitz cu dos taira den laira y c’un cura basha abou. Ta trata di un chauffeur hoben cu tabata direccion cas y pa un motibo of otro a perde control y bolter. E chauffeur a logra sali for di e auto y a para riba su pianan.
Pa siguransa, ambulance a check un cu e otro cu ne, pero no tabata necesario pa transport’e pa hospital p’e ricibi atencion medico avansa. E auto mes, a ricibi basta daño, for di e front te na e dak. Na sitio a nota un boter di whiskey cerca di e auto, pero no por confirma di esaki tabata den e auto si of no. Personal di seguro hunto cu polis a documenta e accidente aki.
