Dialuna atardi a sosode un accidente basta pisa na Bubali. Na prome instante tabata tin bruhamento cu e sitio di accidente. A menciona accidente na Hato y despues na Bubali, Pero finalmente e accidente tabata pariba di Chengs na Bubali. Polis a bay mesora na e sitio.
E departamento di trafico a atende cu e situacion y pidi pa polisnan di Noord bin yuda sera e area pa desvia trafico. Dos auto hopi kibra a keda mey mey di caminda. Dos herido tabata tin den e accidente. Takelwagen tabata necesario pa move e autonan. E Kia tabata bay direccion pabou y na dado momento a lora links pa bay veld di Bubali. E auto Nissan tabata bin di direccion contrario cu velocidad basta halto.
E impacto tabata semi frontal. E senjora di edad den e auto Kia y e chauffeur ta esnan cu mester a wordo atendi pa Paramediconan.
