Prome Minister Mark Rutte lo probecha su participacion na e “Bon Bini for Business Summit” na Corsou entre dia 20 pa 22 di januari 2019, pa bishita Aruba, segun fuentenan inoficial na Den Haag a duna nos di conoce awe.
E prome y te asina leu e unico bishita di e prome mandatario na e islanan ABC, ta data desde aña 2013, aunke cu ya el a yega di bin antes, pero den funcion di Parlamentario, na aña 2007, como lider di fraccion di VVD, hunto cu su coleganan, lidernan di fraccion.
Na Mei di e aña aki, Rutte a bishita e tres islanan ariba pa pone su mes na altura di e trabounan di reconstruccion despues di horcan aña pasa.
Ainda Rijksvoorlichtingsdienst lo mester publica detayenan di su posibel bishita na Boneiro y Aruba den e dianan nos dilanti.
