Diasabra atardi, pa mas of menos 4:45pm, riba di dos dia di Pasco, ta sosode un accidente dilanti di Taco Bell den edificio Kini Kini na Playa.
Un empleado di dicho luga a para su auto marca Honda dilanti di e luga pa e bay traha. Un dama coriendo den un Nissan March lo a busca manera di parkeer su auto, caminda cu algo a bay robes unda cu el a perde control y bay dal basta fuerte patras di e Honda te push’e bay dilanti te el a para riba e stopblok.
Mesora a pidi pa un ambulance pa e dama chauffeur basta spanta. Personal a check e pero na final no mester a bay cune.
Roadservice y seguro di ambos partido a presenta pa tuma dato di e accidente aki. Doño di a Honda a keda tur desapunta cu su auto kibra. Daño material ta bastante.
