Diasabra, riba e di dos dia di Pasco, Polis a bay pa un accidente riba e brug dilanti Renaissance Resort. Aki un Chevrolet Aveo tabata bayendo ariba y net ora di baha e brug a para pa un señora cruza su dilanti. Un taxista cu tabata core su tras no a logra di para na tempo y a dal den e Chevrolet, causando basta daño na e bahul di e Chevrolet.
Segun e chauffeur di e Chevrolet el a wak den spiel prome cu el a brake y a wak cu e taxi tabata tin suficiente distancia su tras, mientras e taxista a laga sa cu e señora no tabata riba un zebrapad pa cruza y logicamente no a spera cu net despues di e bahada di brug un auto lo brake. Roadservice a tuma nan declaracion y a saka su potret pa asina deduci ken tin falta den e acidente aki.
