Diasabra mainta tempran, panort di e luznan di trafico na Noord, dilanti di brug di madushi, a sosode un accidente caminda cu un Nissan Almera, numera A-36997, a subi caminda, lora na man robez y a dal den un Nissan Sentra numbera A-46514. Afortunadamente no tabata tin hende herida, sinembargo e chauffeur di e Nissan Almera kier a bandona e sitio. E auto no tabata por a move, debi na e daño. Polis a haci alctest cu e chauffeur y esaki a sali malo p’e. E chauffeur a keda deteni y hiba warda. Ambos auto a sufri daño considerabel.
