Diabierna anochi ta tuma luga un accidente riba e caminda di Sero Tijshi, unda cu un Toyota Yaris lo a sali for di Young Fellow y subi caminda grandi sin paga tino cu un KIA SUV tabata biniendo for di pabao. E impacto tabata asina duro, cu e SUV a bay para un distancia basta leu. Ambos auto a ricibi bastante daño material. Afortunadamente no tabata tin herido. Polis tabata presente pa asina tuma nota di e datonan y tambe pa controla e trafico riba caminda grandi.
