Un rato pasa alrededor di 11:05pm a sosode un accidente cu basta daño material riba Driemasterstraat. Ta un auto color oraño a accidenta den un pal’i kwihi. Tur indicacion ta mustra cu e tabata biniendo fo’i panort y pa un motibo of otro a bay pega den e pal’i kwihi.
E chauffeur masculino a resulta levemente herida. Daño material tabata basta. Bumper, windshield y parti dilanti di e auto a keda completamente destrui.
Brandweer a yega den un tempo record. Mester a corta e port’i chauffeur pa rescat’e mirando cu el a keda pega den e auto,
Ambulance a tuma e victima over fo’i e bomberonan, a transport’e pa hospital pa e por ricibi cuido medico avansa.
Polis di trafico tambe a presenta pa atende y cuminsa cu investigacion di e accidente aki den cercania di Madiki Kavel.