Diasabra anochi alrededor di 7:15pm polis a bay busca un homber betra na Aeropuerto Internacional Reina Beatrix. Ta trata di Lucrecio Janga, un pasahero cu tabata cla pa subi KLM pa bay tera friu.
Pero capitan di e vuelo KL 771 no tabata kier e homber riba su avion. Tur esaki debi cu e homber a bebe mucho y casi no por a ni para riba su pianan. Pa un vuelo di casi nuebe ora largo, ta importante pa un pasehero ta na tino. Si tin un caso di emergencia e mester por defende su curpa y sigui e pasonan, pero si ta bou influencia di alcohol, ta bira dificil.
Na final, el a keda tera enbes di bay Hulanda. E lo pasa e rest’i anochi tra’i trali pa baha su wayaba.
