Diabierna madruga a drenta informe di un accidente cu hende herida na e rotonde Tanki Leendert. A dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente cu 4 auto destrui y algun persona herida. Na yegada di e ambulance, paramediconan a atende algun persona herida y a transporta dos di nan pa hospital. Polis a detene 2 persona bou influencia.
Mucho cla no por a saca afo kiko exactamente a sosode pero ta mustra cu esaki tabata un problema cu a cuminsa banda di un nightclub na Tanki Leendert. Nan lo a sali despues un tras di otro y a bin termina na e rotonde Tanki Leendert den un accidente. Polis a informa esnan envolvi cu nan por pasa na warda di recherche pa entrega keho pasobra despues di e accidente tabata tin partimento di sla.
