Diahuebs anochi pa mas of menos 10:15 PM polis a haya informacion di un accidente serio na Catiri, un tiki mas pazuid di Reality Supermarket.
Informacion adicional a bisa cu lo tin un persona herida tambe. Na yegada polis a topa mey mey caminda un Suzuki Ignis color cora, cu e chauffeur ainda sinta den dje pero sin porta di e auto.Esaki lo a wordo ranca durante e impacto. Un poco mas leu un truck color blanco di carga.
Na e sitio nos a compronde cu Suzuki Ignis tabata bayendo direccion zuid y e truck tawata bayendo nort. Chauffeur di e Ignis lo tawata coriendo mucho ariba su banda robes.
Esaki a causa cu ela pasa asina cerca di e truck cu durante e impacto e truck a ranca porta di e Ignis por completo.Durante cu esaki a sosode glas lo a spart y herida e chauffeur, nada serio cu nos a compronde.
Polis di trafico a presenta y na final a pidi transport pa motibo cu e chauffeur di e Suzuki Ignis a wordo deteni, door cu e tawata stuur bou influencia. Na warda di Playa e lo mester a bay haci un test di alcohol.
