Den un sala yen, na MFA Sta. Cruz un panel den cual e biaha aki Sra. Angelic Flanders a representa Voogdijraad y Sra. Rose Ann Anthony a participa como dokter di cas, Lila Mackay di Fundacion Lisette Gomes, Sr. Barry di JZP Y Sra.Mitsy Willems a participa, a duna oportunidad pa haci preguntanan y papia encuanto di e tema con por combati y preveni abuso di mucha.
Loke a resalta e nochi aki ta e frustracion di publico pa cu e fenomeno aki di abuso sexual di mucha. Ta reina un incomprensión den nos pueblo pa loke ta trata nos sistema judicial cu ta basa riba otro leynan cu p.e. esun Mericano of Colombiano. E sistema legal Hulandés ta rekeri un enfoke preventivo. Cu esaki por jega a largo plazo na rebaha e cantidad di casonan substancialmente. Cada Mucha Abusa ta Un Caso Di Mas!
E metodo presenta pa Carmen Herrera presenta tambe e anochi aki ta cla pa drenta e tur skolnan. Esaki ta rekeri un enfoke di nos tur trahando cu muchanan chikito. E no ta enfoka riba sexualidad sino riba con pa cuida nan curpa y cu ta sinja nan cu ningun persona mag di mishi cu nan parti intimo. Por a nota cu e sala e participa activamente den e presentacion di Sra. Herrera.
Tambe tawatin espacio pa participantenan comparti experencia y ta promove interaccion activo durante di e anochi aki.APG ta extende un invitacion cordial pa otro siman diamars 4 di juni na MFA Savaneta pa otro session cu ta cuminsa pa 7 or en punto. No perde e occasion aki pa orienta bo mes como mayor of professional con pa sinja nos muchanan chikito con pa defende Nan mes contra abuso sexual.
