Diadomingo marduga e habitantenan di Nobelstraat a bati alarma p’un auto staciona den nan cura. E auto no ta pertenece n’e cas. Tabata un homber desconoci cu a parkeer e auto y purba di bandona e sitio. Mirando cu tabata alrededor di 3:45 am, e habitantenan no a confia e asunto y yama polis mesora.
A kere cu lo a trata di un caso di joyriding. Na yegada di polis a topa cu e homber y e auto marca Nissan modelo Sentra staciona riba e tereno priva.
A atende cu e homber debidamente, na final a hasta transport’e pa ward’i polis p’asina ricibi mas informacion di e caso aki y su parada den oranan den marduga cu movecionnan straño riba caya.
