Diadomingo, den careda di 1:30 di merdia, polis a bay rapidamente na altura di e rotonde na Mahuma, pa un accidente cu dos persona herida.
Segun cu por a deduci, aparentemente un brommer a sali dilanti di un auto riba e rotonde, cu e consecuencia esaki a cay riba caminda, heridando asina dos persona.
Ta trata aki di un dama un cabayero. Na prome bista e dama tabata mustra basta herida, di manera cu a pidi presencia di ambulance pa asina bin duna prome auxilio. E cabayero tambe tabata herida, pero no mesun serio cu e dama. E dama a wordo hiba pa hospital pa observacion. No ta conoci si e cabayero tambe a bay hospital, pa asina atende cu su heridanan.
