Diasabra anochi polisnan a subi caya 9’or pa control pa cu cumplimento di Toque de Queda. E medida aki introduci dia 21 di maart ultimo ta encera cu entre 9’or di anochi y 6’or di mainta no ta permiti hendenan riba caya, cu excepcion di esnan trahando.
E luna aki a logra na dos ocasion pa yega na e cifra mas abou di detencion cu tabata 2 persona cada anochi. Riba e anochi di diasabra pa diadomingo esaki tabata diferente. Un total di 11 persona a keda deteni. Loke tabata remarcabel cu tres di e detencionnantabata duo. Un di nan tabata na Dakota unda dos hende muhe a keda deteni y a haya nan cu substancia ilegal tambe.
Si conta e cifranan di luna di april por constata cu a yega caba na 236 detencion, faltando 4 dia pa luna finalisa.
