Ladronnan no kier pa nan wordo graba. Si tur cos ta bon e cameranan aki mester ser maneha pa meld kamer di Cuerpo Policial.
Un sistema instala desde gobernacion anterior. E minister actual a papia varios biaha cu e lo keda cla cu ne y te awe nada.
Mientrastanto e ladronnan si ta kere cu nan por beneficio di parti di e camaranan aki. P’esey mes banda di Banco di Caribe na e rotonde e ladron a subi sin problema pa horta.
Esnan cu a mira a bati alarma mesora. Polis a yega pero e ladron a bay caba. E ta un choller tipo style rasta segun e testigo. A kita of ranca waya di koper y bandona e sitio. Polisnan a bay mesora den Edisonstraat unda ta cambia koper pa placa. Mesun luga unda sa mira varios choller ta frecuenta. Eynan a avisa e persona cu ta cumpra tipo di metalnan aki pa tene cuenta cu e material aki cu por yega.
E mester por sa mesora cu e ta procedente di robo. Si e camera tabata funciona, e polisnan lo a mir’e live con nan ta subi horta e wayanan di koper. Den e caso aki despues di aña pasando, te awe nada di traha y ladronnan a tuma accion. “Lo que no sirve se bota” ta e dicho.
