Entrante 18 di april 2024, pa 9:00pm via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Un documentario cu ta carga e nomber di ‘Blue Lizard Effect’ miho conoci como e Cododo Blauw, cu ta un lagadishi tipico di Aruba cu ta resalta e caracteristicanan importante; renobacion y generacion, adaptibilidad y flexibilidad, sabiduria y observacion, intuicion y aventura.
E serie ta conta cu cuater episodio cu fascinante, segun e cuater elementonan natural. E ta traduci e elementonan aki na un manera cu ta cautiva y cu ta pone nos analisa, pensa, y ta invita nos pa refleha riba nos mesun relacion cu naturalesa y como ser humano.
Retonan manera cualkier pais semper lo existi, pero e bondadnan cu Aruba ta ofrece na nos y na hopi cu ta scoge pa bishita ta hopi! Cu e episodionan aki inspira miyones di persona internacional y cu e sirbi di inspiracion pa nos mesun nacion; sigui duna bo maximo tur dia, pa hunto nos hiba nos pais den e rumbo desea.
Episodio 1: Awa – 18 di april 2024: Bula den e presente mientras Jason Silva ta explora e importancia di biba riba un isla Caribense manera Aruba. Descubri e influencia profundo di e lama segun cultura y identidad Arubiano den wowo di tres persona local cu ta inspira y conecta cu e forsa elemental aki.
Episodio 2: Tera – 25 di april 2024: Den e episodio di Tera, Jason Silva ta uni su mes na buskeda pa redefini felicidad mientras cu e ta explora e origen historico y mistico di Aruba. Segun exploracion di pasado di e isla, Silva ta cuminsa un biahe di auto-desubrimento y iluminacion.
Episodio 3: Biento – 2 di mei 2024: Sinti e forsa elemental di e biento mientras Jason Silva ta encontra cu e importancia di aire den formacion di e identidad di Aruba y su concepto unico di felicidad. Explora con e paisahe di e isla ta wordo forma segun forsanan di naturalesa, lagando un marca permanente riba su hende.
Episodio 4: Candela – 9 di mei 2024: Encontra cu e poder transformado di candela mientras cu Jason Silva ta revela e esencia di e “Blue Lizard Effect” y su impacto profundo riba evolucion di Aruba. Experiencia e origen di e isla y e spirito di renobacion constante y di transformacion.
Ta recorda cu fuera di esaki por mira e episodionan tambe entrante 17 di april na MAX, y tur diaranson durante 4 siman consecutivo riba e siguiente canalnan:
– Warner Channel: 8:00pm, ripiticion diahuebs 11:30am.
– TNT: 6:00pm, ripiticion dialuna 11:00am.
– Discovery: 4:30pm, ripiticion diabierna 8:30am.
Un danki special ta bay na protagonista Jason Silva, un personahe renombra den e mundo di television, conoci pa su storytelling, orador di diferente conferencia importante, y creador di pelicula, nomina pa Emmy cu ta na un momento puntual di su bida y ta en busca di un transformacion y den miho compronde e esencia di un bida feliz.
Un danki na e comunidad local cu a habri nan curason y porta den nan conocemento y di bida. Danki na Deaxo Croes, Rolly Bislik, Kyra Hoeverts, Nichole Danser, Harold Kelly, Trudy Lampe, Watra, Armando Goedgedrag, Ethan Westera, Natusha Croes, Nathaly de Mey, Ciro Abath.
Danki na e team di A.T.A. cu a yuda durante di realisacion di e proyecto.
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balansa entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuersonan den linea segun e balansa menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.
