Dialuna marduga despues di mey anochi hendenan di iglesia a bati alarma pa un pelea den Nieuwstraat, pega cu Chek Point Color na Oranjestad. Polis a yega mesora pa atende cu e problema. E momento ey parce cu tabatin hende den e problema cu a bandona e sitio caba.
A papia cu un pareha cu ainda tabata t’ey y nan a conta polis kico a sosode. Polis a intermedia y despues di nota tur informacion, a bandona e sitio. A bisa e pareha pa cana bay direccion pariba pa asina nan sigui nan caminda y yega caminda nan mester yega.
E pareha a compronde y henter e problema a calma. Polis mes na yegada no a topa pelea pero solamente cu hendenan cu tabata envolvi den un problema, anto riba caminda publico.
