Departamento di Salubridad Publico Aruba (DVG) a informa awe cu un total di 20 pashent a recupera di Covid-19 riba nos isla y cu a registra solamente 3 caso nobo, di cual tur ta residente. E cifranan aki ta representa un ‘Positivity rate’ bou di nos residentenan di solamente 4%. Ta un di e nivelnan mas abou di e ultimo simannan aki!
E cantidad di casonan activo di COVID-19 pa awe diadomingo ta 212 y cantidad di mortonan relaciona cu COVID-19 ta na 167. E datonan ta ilustra cu e casonan nobo di COVID tin un averahe semanal di 17 caso pa dia y un averahe di ‘positivity rate’ semanal di 9% pa dia.
Actualmente den hospital na Aruba tin 18 persona interna debi na COVID, di cual tin 5 pashent interna den e departamento di cuido intensivo (ICU), mientras cu riba piso general tin 13 persona. Ta bon pa accentua cu na Colombia actualmente tin 19 pashent interna den e unidad di Cuido Intensivo.
