Un di e puntonan poni den e Landspakket cu a palabra cu Hulanda, pa haya e fiansanan necesario, ta cu prome di maart mester a entrega un plan riba conta bay revista e sistema fiscal di Aruba.
Ta pidi pa revista e sistema fiscal y impuesto riba entrada. Prome minister mr. Evelyn Wever Croes durante e conferencia di prensa di gobierno e siman aki a enfatisa cu e no tabata bay pa e reforma, pero e tabata un plan di accion di con ta bay revisa esaki.
Tambe hinca den e parti aki, un plan di accion cu mester stimula cumplimento di pagonan di impuesto, bou di e clientenan di DIMP. E di tres parti ta encera un plan di accion pa optimalisa e funcionamento di Departamento di Impuesto (DIMP).
Tur e plannan di accion Aruba a cumpli cu nan y a entrega e documentonan necesario. E parti aki no ta encera e proceso di reforma di e sistema fiscal ainda.
