Diadomingo den oranan di atardi a manda Polis pura direccion e caminda di Babijn cu Marawiel. A drenta informacion cu tin un cas cu su doñonan biba den exterior y ladron ta bin plunder e cas e momento ey. Varios unidad di Polis a yega mesora buscando e cas y e ladronnan. A papia cu bisiña cu a splica Polis loke a mira. Polisnan a bay na e cas indica cu berdad ta bandona. E cas ta riba un cero.
Mientras cu Polis tabata bezig a yega un auto cu un homber aden. El a baha bay atende cu Polis. El a splica cu e ta encarga cu e cas pa e doño. Tambe a splica cu a bin hende berdad na e cas. Nan no a bin pa horta. Nan ta coriendo rond buscando cas pa cumpra. Pesey a pasa tambe na dicho cas. Finalmente Polis a tuma tur informacion necesario y sigui nan caminda.
